ياشين فرقاه من تحبه وتهواه

يا شين فرقـا مـن تحبـه وتهـواه
تعيش ما كنك مـع النـاس موجـود
تصفق بك الذكرى على جـال ذكـراه
وتقول للذكرى عسـى وقتـه يعـود
يـروح يومـك تنتـظـر وتـحـراه
يمضي وذهنك لجل طاريـه مشـدود
ويـلاه ياشيـن المقـاديـر ويــلاه
الى متى وآنـا علـى حـظ مقـرود
مـا كنـي الا مـن حمـل داه بـرداه
بيته مـن أسبابـه مكسـر ومهـدود
وادعت من وسـط المعاليـق مبنـاه
واليوم من فرقـاه ضيًـق ومضهـود
عـزاه يافرقـا الموالـيـف عــزاه
أنا أشهد إن صبر المخاليـق محـدود
وين أنت ياللي في الحشأ حط مركـاه
ياللي من أسبـاب الكرامـات مفقـود
تعال ما فـي الحـب عـز وتشـراه
طبع الهوى يا زين طـارد ومطـرود
تعال خـل القلـب تـروى ضمايـاه
دام الفتى عمره مع النـاس محـدود
تعـال ولا الوقـت يكفـل خفـايـاه
أما على حسرات ولا على جووووووود


منقووول